A Organización Internacional da Viña e o Viño, OIV, convoca cada ano bolsas de investigación nos seus programas prioritarios. As bolsas propostas no marco deste programa son de curta duración (de 6 a 15 meses como máximo) e propóñense para unha formación específica de nivel post-universitario. Os candidatos deberán ser cualificados, cunha vontade de avanzar na investigación ou de mellorar as súas competencias e co desexo de estar ao corrente da actualidade dos avances no seu campo de estudos ou de traballo.
A. Perfil da candidatura
Titular dun diploma de estudos universitarios superiores cunha vontade de comezar ou continuar estudos doutorais para:
- emprender unha investigación en profundidade,
- perfeccionar os seus coñecementos e competencias.
B. Títulos requiridos
Grao universitario de nivel master ou de fin de estudos secundarios +5 anos como mínimo, con obtención dun diploma, o límite de idade é de 40 anos.
C. Cualificacións complementarias
As persoas candidatos deberán demostrar que teñen unha competencia que lles permitirá achegar unha contribución importante á posta en marcha do Plan Estratéxico da OIV.
D. Campos de estudo
Todos os proxectos de campos de estudo propostos deberán reflectir os obxectivos estratéxicos e as prioridades de programa previstos pola OIV conforme ao seu Plan Estratéxico.
E. Aptitudes lingüísticas
Os candidatos deberán saber ler e redactar nun dos cinco idiomas oficiais da OIV.
Os formularios de candidatura debidamente completados deberán ser enviados á OIV - OIV – Bolsas de investigación – 35, rue de Monceau – 75008 Paris – ou job@oiv.int
Data límite de presentación das solicitudes: 24 de outubro de 2020
Ningún comentario:
Publicar un comentario