Centro de Extensión Universitaria e Divulgación Ambiental de Galicia (CEIDA) está a organizar o Curso ‘Emprego Verde nas Reservas de Biosfera: Recursos do Territorio e Ferramentas para a súa Posta en Valor’ (edición Lugo), co apoio da Fundación Biodiversidad a través do programa EmpleaVerde, que terá lugar do 18 de marzo ao 12 de abril na Escola Politécnica Superior de Lugo. (CURSO PRESENCIAL)
A actividade, dirixida a desempregados/as inscritos/as no servizo de demandantes de emprego de Galicia, pretende facilitar o coñecemento do patrimonio natural e cultural das diferentes Reservas de Biosfera galegas, capacitar na adquisición de ferramentas básicas de educación e interpretación ambiental para a posta en valor dos recursos naturais e patrimoniais, así como dar a coñecer o potencial das Reservas de Biosfera para a produción agroalimentaria sostible e a creación do emprego verde.
A inscrición é gratuíta pero as prazas son limitadas.
PARA consultar o programa completo e realizar a inscrición en:
http://www.ceida.org/gl/formacion-gl/emprego-verde-nas-reservas-de-biosfera-recursos-do-territorio-e-ferramentas-para-a-0
Ningún comentario:
Publicar un comentario